Արմավիրի մարզի Քարակերտ գյուղում գտնվող գազալցակայանը, որտեղ այսօր՝ օգոստոսի 27-ին՝ պայթյուն էր տեղի ունեցել եւ մեկ անձի մահվան պատճառ դարձել, մի քանի ամիս է, ինչ շահագործվում է: Այս մասին NEWS.am-ի հետ զրույցում ասաց Քարակերտի գյուղապետ Մհեր Հարթենյանը:
«Նոր սարքավորումներով գազալցակայան էր, մի քանի ամիս առաջ էին բացել»,- ասաց գյուղապետը:
Գյուղապետը նշեց, որ իրեն հասած տեղեկություններով՝ լիցքավորումից հետո վարորդը նստել է ավտոմեքենան՝ այն վարելու համար եւ այն պայթել է:
Պայթյունից վարորդը մահացել էր, իսկ գազալցակայանի աշխատակիցը՝ ծայրահեղ ծանր վիճակում տեղափոխվել հիվանդանոց:
Գազալցակայանի աշխատակիցը՝ 33-ամյա Արման Արման Գրիգորյանը Արմավիրի մարզի Զարթոնք գյուղից է:
Հիշեցնենք, որ պայթյունի դեպքով քրգործ է հարուցվել ՔՕ 231-րդ հոդվածի 2-րդ մասով (Պայթյունավտանգ օբյեկտներում անվտանգության կանոնները խախտելը):
Պայթյունը տեղի է ունեցել այս գիշեր՝ ժամը 00:20-ի սահմանում: Ըստ ԱԻՆ-ի տվյալների՝ «Նորապատ ԱԿ» գազալցակայանում «ՎԱԶ 2101» մակնիշի 14 LU 101 պ/հ ավտոմեքենայի (վարորդ՝ 1970 թ. ծնված Տ. Պ.) լիցքավորման ժամանակ տեղի է ունեցել պայթյուն, վարորդը տեղում մահացել է: Գազալցակայանի աշխատակից, 1983 թ. ծնված Ա. Գ.-ն ստորին վերջույթների կոտրվածքներով հոսպիտալացվել է Արմավիր քաղաքի ԲԿ, այնուհետեւ տեղափոխվել է Երեւանի «Էրեբունի» ԲԿ: Նրա ոստքը ամպուտացիայի են ենթարկել, վիճակը ծայրահեղ ծանր է: