Աստանայում դեկտեմբերի 1-2-ին կայանալիք ԵԱՀԿ գագաթաժողովին Ղարաբաղի հարցով առաջընթացի չարժե սպասել։ Նոյեմբեր 11-ին հրավիրված մամուլի ասուլիսի ժամանակ այս մասին հայտարարեց հայ-ռուսական միջկառավարական համագործակցության հանձնաժողովի նախագահ Նիկոլայ Ռիժկովը։
Նրա կարծիքով, Աստանայում ղարաբաղյան հակամարտության վերաբերյալ «ճանապարհային քարտեզ» կստորագրվի։ Նա նաեւ կարծիք հայտնեց, որ ղարաբաղյան գործընթացը փակուղի է մտել: «Սակայն ինչպե՞ս դուրս բերել գործընթացն այդ փակուղուց՝ դժվար է ասել»,- նկատեց նա՝ ընդգծելով, որ հակամարտության մյուս կողմը՝ Ադրբեջանը ձեռքերը ծալած չի նստել։ Ռիժկովի կարծիքով, հակամարտության հարցով կարելի է կառուցողական լուծում գտնել։ «Սակայն ես կասկածում եմ, թե ինչպե՞ս դա կընդունի հայ ժողովուրդը»,- հայատարարեց Ռիժկովը։
Նա նաեւ հայտնեց, որ Յարոսլավլում ապրիլին կայանալիք հայ-ռուսական միջկառավարական հանձնաժողովն այլ հարցերի շարքում կքննարկի նաեւ ղարաբաղյան հարցը։
