Դեր Զորում ռմբահարման արդյունքում տուժած հայկական հուշարձանն ու եկեղեցին անպայման կվերականգնվեն: Այդ մասին NEWS.am-ի թղթակցին հայտնել է Հալեպում Հայ առաքելական եկեղեցու Բերիո թեմի մամուլի քարտուղար Ժիրայր Ռեիսյանը:
Եկեղեցու տարածքում պայթյունները որոտացել էին մոտ մեկ շաբաթ առաջ:
Նրա խոսքով` կոտրվել են եկեղեցու ապակիները, կան ճաքեր, սակայն շինությունը ավերված չէ: «Վերականգնողական աշխատանքները կսկվեն մարտական գործողությունների ավարտից հետո», - հավելել է Ռեիսյանը:
Նշենք, որ նախօրեին եկեղեցու տարածքում եւս մի քանի պայթյուն էր որոտացել: Բարեբախտաբար, տուժածներ չկան:
Այդ կապակցությամբ Մեծի տանն Կիլիկիո կաթողիկոս Արամ Ա-ն դիմել է հավատացյալներին եւ վստահեցրել, որ հուշարձանը եւ եկեղեցին կվերականգնվեն: