նախընտրելի դարձնել
Սումատրայի բանտից զանգվածային փախուստ է տեղի ունեցել. Ըստ տարբեր լրատվամիջոցների` փախել է 150-200 մարդ, որոնցից 20-ը դատապարտված էին ահաբեկչության համար:
Փախուստը տեղի է ունեցել Մեդան քաղաքում` Հյուսիսային Սումատրայի վարչական կենտրոնում, բանտում անկարգություններ սկսվելուց հետո, հայտնում է lenta.ru-ն: Բանտի պաշտոնյաները հայտնել են, որ բանտարկյալները հրդեհել են բանտը: Բացի դրանից, որոշ բանտարկյալներր կարողացել են զենք ձեռք բերել, մյուսներն էլ հսկիչների վրա շշեր են նետել:
Ըստ «ՌԻԱ Նովոստիի»` բանտում ջրամատակարարման դադարի պատճառով սկսված անկարգությունների ընթացքում զոհվել է երեք պահակ: Ապստամբած բանտարկյալների մի մասը մնում է բանտի տարածքում, նրանք այրել են գրասենյակային շինությունները եւ պատանդ վերցրել աշխատակազմի 15 անդամի:
Բանտում իրենց պատիժն է կրում 2,6 հազար մարդ, այնտեղ արդեն ժամանել են ոստիկանական եւ զինծառայողների ուժերը: Իշխանություններին հաջողվել է նորից ձերբակալել 55 փախած բանտարկյալի, այդ թվում` դատապարտված ահաբեկիչներին:
