Գյումրու թատերական հրապարակում սահմանադրական բարեփոխումների դեմ այսօր՝ սեպտեմբերի 25-ին՝ 18:00-ին «Ոչ»-ի ճակատի հրավիրած հանրահավաքը փորձում են խոչընդոտել: Այս մասին NEWS.am-ի հետ զրույցում ասաց «Հայ ազգային կոնգրես» կոսակցության Գյումրիի կառույցի ներկայացուցիչ Վահանգն Խաչատրյանը:
«Թատրոնից պետք է հոսանք տրամադրեին, բայց չեն տրամադրել: Պատճառաբանում են, թե նոր թատերաշրջանի բացման հետ կապված տեխնիկական խնդիրներ կան, բայց առաջին անգամ չէ, որ հանրահավաքների ժամանակ թատրոնը հոսանք չի տրամադրում: Քաղաքապետարանից էլ լիազորել են հանրահավաքը, բայց ասում են՝ օգնել չեն կարող»,- ասաց Վահանգն Խաչատրյանը՝ նշելով, որ իրենք, ամեն դեպքում, հանրահավաքը կանցկացնեն գեներատորի օգնությամբ:
Հանրահավաքին մասնակցելու համար Երեւանից Գյումրի են մեկնելու «Ոչ»-ի ճակատի քաղաքական ուժերի ներկայացուցիչներ: