Վրաստանի նախագահ Գեորգի Մարգվելաշվիլին Հայաստանի եւ Ադրբեջանի ղեկավարներին կոչ է արել գործադրել առավելագույն ջանքերը Լեռնային Ղարաբաղում ծագած լարված վիճակը խաղաղ կարգավորելու համար։ Այս մասին նա ասել է Վրաստանում ՆԱՏՕ-ի շաբաթվա շրջանակներում մեկնարկած Ժողովրդական դիվանագիտության համաժողովի ժամանակ։
«Մենք հուսով ենք, որ Հայաստանի եւ Ադրբեջանի ղեկավարները առավելագույն ջանքերը կգործադրեն, որպեսզի լարված վիճակը կարգավորեն խաղաղ, դիվանագիտական ճանապարհով՝ միջազգային հանրության ակտիվ մասնակցությամբ, որպեսզի հակամարտությունը խաղաղ լուծում ստանա»,- ասել է նա։