Հայաստանի պաշտպանության նախարարի մամուլի խոսնակ Արծրուն Հովհաննիսյանը շարունակում է հրապարակել ադրբեջանական ագրեսիայի հետեւանքով զոհված զինծառայողների լուսանկարներ:

Շարքային Ռաֆիկ Հակոբյանը 20 տարեկան էր, բանակ էր զորակոչվել 2014թ.-ին: Նրա հոգեհանգիստը տեղի կունենա այսօր ժամը 18:00-ին, իսկ հուղարկավորությունը վաղը ժամը 13:00-ին Արագածոտնի մարզի Կարմրաշեն գյուղում:

Շարքային Նարեկ Մկրտչյանը 20 տարեկան էր, Սյունիքի մարզի Որոտան գյուղից: Նրա հոգեհանգիստը տեղի կունենա այսօր ժամը 17:00-ին, իսկ հուղարկավորությունը վաղը ժամը 12:00-ին հարազատ գյուղում:

Շարքային Սարգիս Արմենակի Սահակյանը 21 տարեկան էր, Կոտայքի մարզի Հրազդան քաղաքից: Նրա հոգեհանգիստը տեղի կունենա այսօր ժամը 18:00-ին Հրազդանի Կոճոռի եկեղեցում, իսկ հուղարկավորությունը՝ վաղը ժամը 13:00-ին:

Շարքային Արամ Աբրահամյանը 20 տարեկան էր, Արմավիրի մարզի Արտիմետ գյուղից: Նրա հոգեհանգիստը տեղի կունենա այսօր ժամը 18:00-ին, իսկ հուղարկավորությունը վաղը ժամը 12:00-ին:

Շարքային Արամայիս Միքայելյանը 20 տարեկան էր, Էջմիածին քաղաքից: Նրա հոգեհանգիստը տեղի կունենա այսօր ժամը 18:00-ին քաղաքի Շողակաթ եկեղեցում, իսկ հուղարկավորությունը վաղը ժամը 14:00-ին:

Պայմանագրային զինծառայող Վարդան Սուրիկի Թադեւոսյանը 26 տարեկան էր, Զինված ուժերում ծառայում էր 2008թ.-ից: Նրա հոգեհանգիստը տեղի կունենա այսօր ժամը 17:00-ին, իսկ հուղարկավորությունը վաղը 13:00-ին Շիրակի մարզ Գետափ գյուղում:

Ենթասպա Գագիկ Սուրիկի Մելքոնյանը 34 տարեկան էր, Զինված ուժերում ծառայում էր 2015թ.-ից: Նրա հոգեհանգիստը տեղի կունենա այսօր ժամը 17:00-ին, իսկ հուղարկավորությունը վաղը ժամը 12:00-ին Գեղարքունիքի մարզի Զոլաքար գյուղում:

Մայոր Հայկ Թորոյանը 31 տարեկան էր, Զինված ուժերում ծառայում էր 2002թ.-ից: Նրա հոգեհանգիստը տեղի կունենա այսօր ժամը 18:00-ին Երեւանի Մալաթիա - Սեբաստիա թաղապետարանի մոտ գտնվող Սբ. Աստվածածին եկեղեցում, իսկ հուղարկավորությունը վաղը ժամը 14:00-ին:

Շարքային Վիկտոր Ալեքսանդրի Յուզիխովիչ 19 տարեկան էր, Գյումրիից: Նրա հոգեհանգիստը տեղի կունենա վաղը ժամը 18:00-ին քաղաքի Սուրբ Նշան եկեղեցում, իսկ հուղարկավորությունն ապրիլի 8-ին ժամը 14:00-ին:

Շարքային Գոռ Կարապետի Կիրակոսյանը 20 տարեկան էր, Արմավիրի մարզի Արեւիկ համայնքից: Նրա հոգեհանգիստը տեղի կունենա ապրիլի 7-ին ժամը 18:00-ին, իսկ հուղարկավորությունը՝ ապրիլի 8-ին ժամը 14:00-ին:

Ազատամարտիկ Սարգիս Լազրի Խալաֆյանը 49 տարեկան էր, Երեւանից: Նրա հոգեհանգիստը տեղի կունենա ապրիլի 7-ին ժամը 18:00-ին Մալաթիա- Սեբաստիա վարչական շրջանի Սուրբ Աստվածածին եկեղեցում, իսկ հուղարկավորությունը ապրիլի 8-ին ժամը 13:00-ին: