Եզդի զինվոր Քյարամ Սլոյանի մորը չեն ասել, թե ինչպես է զոհվել նրա որդին: Այս ապրիլի 9-ին լրագրողներին հայտնել է եզդիների «Միդիա Շանգալ» ազգային միության ղեկավար Ամո Շարոյանը:
«Ես ներկա եմ գտնվել Քյարամ Սլոյանի հուղարկավորությանը: Նրա մայրը արցունքն աչքերին խնդրում էր, որ այլեւս պատերազմ չլինի, որ մայրերը այլեւս որդիներ չկորցնեն»,- պատմել է նա լրագորղների հետ հանդիպման ընթացքում:
Նրա խոսքով, Սլոյանի մորը չեն ասել, թե ինչպես է զոհվել որդին: «Նա անընդհատ մոտենում էր, որ բացեր դագաղի կափարիչը, բայց շուրջը կանգնածները նրան այնպես էին նայում, որ նա հետ էր գնում: Մտածում էր, որ ուրեմն պետք չէ: Նա նույնիսկ չկարողացավ որդուն հրաժեշտ տալ: Ոչ մեկին նման բան չեմ ցանկանա, Աստված մի արասցե: Մենք պետք է լրջորեն զբաղվենք այս հարցերով»,- հայտնել է Շարոյանը:
«Հրամանատարի ու այլ շարքայինների հետ նրանք դիմադրություն էին ցուցադրում: Իսկ նրանք ( ադրբեջանցիները –խմբ) այնքան կորուստ են կրել, մերոնք նրանցից վրեժը լուծել են»,- ասել է նա:
Նրա խոսքով, եզդիական համայնքը դեռ չգիտի, թե ինչ է պատահել զինվորի գլխի հետ: «Համացանցում գրում են, որ վերադարձրել են, բայց այդ մասին ստույգ կիմանանք այն ժամանակ, երբ մեր կողմը կհաստատի դա»,- ասաց նա:
Քյարամ Սլոյանը զոհվել է ադրբեջաանական ագրեսիայի հետեւանքով: Չբավարարվելով Քյարամին սպանելով, ադրբեջանցի զինվորականները կտրել են նրա գլուխը, լուսանկարվել գլուխը ձեռքներին ու այդ «ավարը» տեղադրել համացանցում:
