Տեսական եւ կիրառական քիմիայի միջազգային միությունը պաշտոնապես անուններ է շնորհել վերջերս բացահայտված 4 քիմիական տարրերին։ 113 համարի տարրը կրում է նիհոնիում անվանումը, 115–րդ տարրը՝ մոսկովիում, 117—րդը՝ թեննեսին, իսկ 118-րդ տարրն ստացել է օգանեսսոն անվանումը՝ ի պատիվ քիմիկոս Յուրի Հովհաննիսյանի, հայտնում է Gazeta –ն։
«Գիտնականներին պատվելու ավանդույթին համաձայն՝ օգանեսսոն տարրը եւ դրա Og նշումն առաջարկել են այդ նյութը հայտնաբերած գիտնականի թիմը Միջուկային հետազոտությունների ինստիտուտից (Դուբնա) եւ ԱՄՆ Լիվերմորի ազգային լաբորատորիայից, որոնք ճանաչում են Յուրի Հովհաննիսյանի աշխատանքը եւ գնահատում են տրանսուրան տարրերի հետազոտության գործում նրա ունեցած ավանդը։
Մոսկովիում տարրն այդպես են անվանել ի պատիվ Մոսկվայի մարզի, որտեղ գտնվում է Միջուկային հետազոտությունների միավորված ինստիտուտը»,– ասված է հաղորդագրության մեջ։
