Վերջերս աշխարհի տարբեր հաստատություններում մեծ տարածում է ստացել ըմպելիքները լամպերի մեջ մատուցելու ձևը։ Ըմպելիքների մատուցման այս արտասովոր ձեւը կարելի է հանդիպել բազմաթիվ երկրենրում՝ օրինակ կանադական Royal Tea սրճարանում այսպես են մատուցում թեյը, իսկ ավստրալական Darling սրճարանում կարելի է լամպերի մեջ սմուզներ պատվիրել, գրում է Kedem–ը։
Չնայած սա զուտ մարկետինգային քայլ է, բայց անհնար է չնկատել ապակյա լամպի մեջ մատուցվող ըմպելիքի գրավիչ տեսքը։ Սակայն եթե ուզում եք տան պայմաններում նման ըմպելիքներ պատրաստել, նկատի ունեցեք, որ սովորական լամպերն այդ նպատակների համար պիտանի չեն՝ հատուկ ըմպելիքի համար լամպեր կարող եք ձեռք բերել համացանցում։