Ուելսում բնակվող հրուշակագործ Էմմա Ջեյն Մորիսը ընդամենը երկու տարում հանրահայտ է դարձել շների հանդեպ իր սիրո շնորհիվ։ Նա ստեղծում է ռեալիստական տորթեր տարբեր տեսակի շների ձեւով՝ բուլդոգների, հասկիների, չիխուախուայի եւ այլն, հայտնում է Kedem-ը։
Տորթերի հիմքում սովորական բիսկվիտ է, շների աչքերը պատրատվում են հատուկ փայլուն ջնարակից, իսկ մորթուն գույն ու փափկություն հաղորդելու համար Էմման օգտագործում է գունավոր ուտելի փոշի, որն իր սեփական գաղտնի տեխնոլոգիայով է քսում։ Էմմայի մոտ այս կամ այն շան տեսքով տորթ պատվիրելու համար պետք է ներկայացնել կենդանու մի քանի լուսանկար։ Տորթերի գները սկսվում են 350 ֆունտ սթերլինգից։