Անցյալ տարվա դեկտեմբերի վերջին բախումն ու մարդկային ողբերգական կորուստները եւս մեկ անգամ ընդգծում են ղարաբաղյան հարցով բանակցությունների կարեւորությունը։ Այս մասին NEWS.am–ի հետ զրույցում ասել է ԵԱՀԿ Մինսկի խմբի նորանշանակ դեսպան Ռիչարդ Հոգլանդը։
Հարցին, թե կարիք չկա արդյոք կտրուկ դատապարտել Ադրբեջանի ագրեսիվ քայլերը եւ նա նպատակահարմար չի համարում արդյոք պատժամիջոցներ կիրառել դրանցից յուրաքանչյուրի համար, Հոգլանդը պատասխանեց. «Մենք շարունակում ենք հորդորել կողմերին, որ խստիվ հետեւեն հրադադարին եւ միջոցներ ձեռնարկեն շփման գծում եւ հայ-ադրբեջանական սահմանին լարվածությունը թուլացնելու համար: Դեկտեմբերի վերջին տեղի ունեցած բախումը ու ողբերգական մարդկային կորուստները մեկ անգամ եւս շեշտում են բանակցությունների ու կարգավորմանն ուղղված քայլերի կարեւորությունը, որոնք կարող են հանգեցնել տեւական խաղաղության հաստատման»։