Գերմանիայի արտաքին գործերի նախարար Զիգմար Գաբրիելը քննադատությամբ է հանդես եկել` կապված Թուրքիայում գերմանական Die Welt պարբերականի թղթակցի ձերբակալման հետ: «Ոչ մի անհրաժեշտություն չկա, եւ ամենեւին էլ արդարացված չէ Դենիզ Յուչելին մինչ դատախազությունում հարցաքննելը կալանքի տակ պահելը»,-ասել է Գաբրիելը Welt am Sonntag պարբերականին: Նախարարը նշել է, որ լրագրողն ինքն է հանձնվել իշխանություններին, որպեսզի պատասխանի նրանց հետաքրքրող բոլոր հարցերին:
Թուրքիայի եւ Գերմանիայի քաղաքացիություն ունեցող Դենիզ Յուչելը ձերբակալվել է փետրվարի 14-ին Ստամբուլում: Թուրքիայի իշխանությունները նրան կասկածում են ահաբեկչական կազմակերպությանն անդամակցելու, քարոզի տարածման եւ տեղեկատվության չարաշահման մեջ:
