News
Լրահոս
News
Հինգշաբթի
Հուլիս 27
Տեսնել լրահոսը

Որքան մոտենում են ընտրությունները, այդքան ավելի դժվարանում է ընտրությունների օրը մի քանի օրով հետաձգելու հարցը: Այս մասին NEWS.am-ի հետ զրույցում նշեց Կառավարության աշխատակազմի ղեկավար-նախարար Դավիթ Հարությունյանը՝ անդրադառնալով ընտրությունների օրը ապրիլի 2-ին ապրիլի 9-ին տեղափոխելու «Կոնգրես-ՀԺԿ» առաջարկին:

Դավիթ Հարությունյանը հիշեցրեց, որ երկրի նախագահն առաջարկել էր, որ երբ հայտնի կդառնան ընտրությունների բոլոր մասնակիցները, եւ նրանք բոլորը գան համաձայնության, ընդ որում առանց բացառության, ապա ոչինչ չի խանգարի, եթե մի քանի օրով հետաձգենք ընտրությունները։

«Սակայն պետք է նշեմ, որ ընտրությունների բոլոր մասնակիցների վերաբերյալ տվյալները հայտնի են եղել արդեն վաղուց եւ ինչքան մենք մոտենում ենք ընտրություններին այդքան ավելի դժվարանում է հետաձգելու հարցը, որը, բնականաբար, այս պայմաններում, եթե բոլոր ուժերը համաձայնություն հայտնեն, ապա պետք է քննարկվի կենտրոնական ընտրական հանձնաժողովում»,-ասաց Հարությունյանը:

Նա նկատեց, որ արդեն ընթանում է նախընտրական քարոզչությունը, արդեն բաժանված է եթերային ժամանակը եւ պարզ չէ թե ինչ լուծումներ պետք է տրվեն տվյալ դեպքում, եթե նման որոշում կայացվի. «Եթե նման որոշում կայացվեր առաջին օրերին, երբ հայտնի դարձավ թե ովքեր են մասնակցելու ընտրություններին, այն ժամանակ դեռ ողջամիտ էր, որովհետեւ նախընտրական քարոզչության շրջանը, բնականաբար, կարող էր արդեն ավելի ուշ սկսել, սակայն հիմա ես ուղղակի լավ չեմ պատկերացնում, թե ինչպես դա պետք է անենք՝ չխախտելով օրենքը»:

Ճշտող հարցին, թե այսինքն օրենքի խախտո՞ւմ կլինի, եթե այս փուլում որոշում կայացվի հետաձգել ընտրությունները, կառավարության աշխատակազմի ղեկավար-նախարարը պատասխանեց. «Ես միանշանակ չեմ պնդի, որ դա հնարավոր չէ, սակայն ես շատ թերահավատորեն եմ նայում այս փուլում ընտրությունների հետաձգմանը, որովհետեւ այս պահին կան շատ ավելի շատ հարցեր, քան պատասխաններ։ Նորից կրկնեմ, որ եթե խոսքը վերաբերվեր սկզբի փուլին, երբ հայտնի դարձան ընտրության մասնակիցները, այդ ժամանակ դեռ հնարավորություն ես տեսնում էի։ Այս պահին դեռեւս ես լուծումներ չեմ տեսնում»:

Նույն խնդրի առնչությամբ ԿԸՀ նախագահ Տիգրան Մուկուչյանը NEWS.am-ին հայտնեց հետեւյալը. «Օրենքով սահմանված կարգով ընտրությունների օրը նշանակվել է ապրիլի 2-ին եւ  այդ հաշվարկով մենք մեր գործառույթները  կատարում ենք»: Հարցին, թե այսինքն հնարավոր չէ՞ այս փուլում փոխել ընտրությունների օրը, նա արձագանքեց. «Չգիտեմ չեմ կարող ասել,  կա նշանակված օր եւ մենք մեր գործառույթներն անում ենք, իմ պատասխանը բացառապես ԿԸՀ նախագահի պատասխան պետք է լինի»:

!
Այս նյութը հասանելի է նաև   Русский
Տպել
Կարդացեք նաև
Ամբողջ
Դպրոցների ՀՀԿ-ական բոլոր 30 տնօրենները հրաժարվեցին Իոաննիսյանի դեմ հայցերից
Նրանք բոլորը որոշել են հրաժարվել հայցից և լիազորել են իրենց փաստաբաններին այսօր դատարանում հանդես գալ իրենց անունից եւ հրաժարվել հայցերից…
Տնօրենները հրաժարվում են Դանիել Իոաննիսյանի դեմ հայցերից. դատը մեկնարկել է
Դատավորն այսօր հայտարարեց, որ իր վարույթում գտնվող մյուս տնօրեն հայցվորները նույնպես հրաժարվել են դիմումներից...
Դատախազությունը 30 քրգործ է հարուցել ընտրախախտումների վերաբերյալ
Ամփոփ տեղեկատվություն ապրիլի 2-ի ԱԺ եւ մայիսի 14-ի Երեւանի ավագանու ընտրություններում իրավախախտումների քննության ընթացքի եւ արդյունքների մասին…
ԵԱՀԿ/ԺՀՄԻԳ-ը հրապարակել է Հայաստանի խորհրդարանական ընտրությունների մասին ամփոփիչ զեկույցը
Զեկույցում նշվում է, որ ընդհանուր առմամբ ընտրությունների ընթացքում պահպանվել են հիմնական ազատությունները ...
Transparency international-ն անդրադարձել է Հայաստանում խորհրդարանական ընտրությունների ընթացքում խախտումներին
Հոկտանյանի խոսքով՝ ընտրողներին կաշառելու 90 դեպք է արձանագրվել...
«Քաղաքացի դիտորդը» 96 հայց է ներկայացրել ՀՀ վարչական դատարան՝ ԱԺ ընտրությունների խախտումների վերաբերյալ
Հիշեցնենք, որ ապրիլի 2-ին նախաձեռնության 2972 դիտորդներ դիտորդական առաքելություն են իրականացրել 1521 տեղամասերում...
Ամենաշատ
Partner news