Օգոստոսի 31-ին ԵԱՀԿ գրասենյակը դադարեցրեց գործունեությունը Երեւանում: 17 տարվա արդյունավետ աշխատանքից հետո գրասենյակը դադարեցրեց գործունեությունը, դրոշը՝ իջեցվեց:
Պատճառն այն է, որ ԵԱՀԿ-ն չկարողացավ դիմակայել Ադրբեջանին, որը վետո դրեց կազմակերպության բյուջեի վրա՝ կապված մի քանի ծրագրերի հետ, որոնք, իբր, իրականացնում է ԵԱՀԿ երեւանյան գրասենյակը:
ԵԱՀԿ Մշտական խորհուրդը չկարողացավ կոնսենսուս ձեռք բերել Հայաստանում կազմակերպության ներկայացուցչության մանդատի երկարաձգման հարցով:
Հայաստանը միակ երկիրն էր Հարավային Կովկասի տարածաշրջանում, որտեղ դեռ ԵԱՀԿ գրասենյակ էր գործում: 2015 թվականին այն փակվեց Բաքվում, իսկ Թբիլիսիում կազմակերպության մանդատի ժամկետն ավարտվեց 2008 թվականի դեկտեմբերին ու չերկարաձգվեց:
Գերմանական, հետո նաեւ ավստրիական նախագահությունը փորձում էին Ադրբեջանին համոզել պահանջների անհիմն լինելու հարցում, բայց ապարդյուն:
