News
Լրահոս
News
Երեքշաբթի
Մարտ 26
Տեսնել լրահոսը

Հայտնի է, որ վերջին տարիներին Հայաստանի ֆիզիկական անձանց դրամական փոխանցումների գումարը զգալիորեն կրճատվել է։ Ռուսաստանի տնտեսությունում ճգնաժամային երեւույթները, բացի ամենայնից հանգեցրել են դոլարի հանդեպ ռուբլու փոխարժեքի նվազման։ Արդյունքում, այդ նույն գումարը ռուբլու փոխանակալիս, դոլարային արտահայտությամբ այն կրկնակի քիչ էր ստացվում։

Ժամանակին այս ոլորտում կային ռեկորդային ցուցանիշներ։ Օրինակ 2013-ին Հայաստան դրամական փոխանցումների գումարը կազմել է 2․3 մլրդ դոլար ու ավելի քան մեկուկես անգամ գերազանցել մեր արտահանման ծավալը։ Հիմնականում դա ապահովել են փոխանցումները Ռուսաստանից, որտեղ գտնվում են   մեր գրեթե կես միլիոն հայրենակիցներ։

Դատելով ընթացիկ տարվա հունվար- հունիս ժամանակաշրջանի տվյալներից՝ իրավիճակը Ռուսաստանում մի քիչ բարելավվել է՝ հիմնականում ռուբլու ամրապնդման հաշվին։ Միաժամանակ աճել է նաեւ մնացած երկրներից փոխանցումների գումարը։

Միաժամանակ, ընթացիկ տարվա հունվար- հուլիս ամիսներին գերազանցող տեմպերով աճել են Հայաստանի ֆիզիկական անձանց կողմից փոխանցումները։ Եթե ներհոսքի գումարն այդ ժամանակահատվածում ավելացել է տարեկան 17․2 տոկոսով, ապա արտահոսքի գումարը  24․2 տոկոսով է աճել ։ Դրա արդյունքում ներհոսքի ու արտահոսքի հարաբերակցությունը նվազել է՝ 1․8 անգամից դառնալով 1․7 անգամ։

 Հունվար- հուլիս ամիսներին ֆիզիկական անձանց փոխանցումներով արտահոսքը կազմել է ընդամենը 527․5 մլն դոլար։ Չնայած Ռուսաստան այդ ժամանակահատվածում ուղարկվել է 16․6 մլն դոլարով շատ, քան մեկ տարի առաջ, բայց դրա մասնաբաժինը ընդհանուր արդյունքում նվազել է 5․6 տոկոսային կետով։ Այդուհանդերձ՝ Ռուսաստանը մնում է առաջատար այդ ոլորտում։ Նրա տեսակարար կշիռը Հայաստանից ուղարկված դրամական փոխանցումների ամփոփիչ գումարում հասնում է գրեթե 40 տոկոս։

Ռուսական պաշտոնական տվյալերով՝ Հայաստանից Ռուսաստան մեկ փոխանցման միջին գումարը երկրորդ եռամսյակում կազմել է գրեթե 3 հազար դոլար։ Համեմատության համար ասենք, որ մեր երկիր փոխանցումների մասով այդ նույն ցուցանիշը զգալիորեն փոքր էր՝ 282 դոլար ։ Այդ մեծությունը բնութագրական է այն փոխանցումների համար, որոնք Ռուսաստանից ամեն ամիս մեր արտագնա աշխատողներն ուղարկում են Հայաստանում գտնվող իրենց ընտանիքներին։

Իսկ  հունվար- հուլիս ամիսներին գումարի արտահոսքի բացարձակ աճով ռեկորդը սահմանել է ԱՄՆ-ն՝ 41․7 մլն դոլար։ Դա գրեթե կրկնակի շատ է, քան անցած տարվա նույն ժամանակահատվածում։ Արդյունքում այդ երկրի մասնաբաժինը Հայաստանից արվող փոխանցումների ընդհանուր գումարում գերազանցել է 16 տոկոսը ու այն 2-րդ տեղն է զբաղեցնում վարկանիշում, Ռուսաստանից հետո։

Սմբատ Գրիգորյան 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Վարչապետը ներկա է գտնվել պանրի և կաթնամթերքի այլ տեսակների գործարանի բացման արարողությանը
Գործարանի կողմից տարեկան մթերվելու է ավելի քան 20 մլն լիտր որակյալ կաթ...
Դոլարի եւ եվրոյի փոխարժեքներն աճել են
Թանկարժեք մետաղների համար բանկի կողմից սահմանվել են հետեւյալ գները...
Ցածր մաքսատուրքերի դեպքում հայկական որոշ արտադրատեսակներ դուրս կմղվեն. «Իմ քայլը»
Ներմուծման ցածր մաքսատուրքերի դեպքում հայկական որոշ արտադրատեսակներ շուկայից դուրս կմղվեն նույն արտադրանքի իրանցի արտադրողների կողմից…
Փոխնախարարը ստիպված էր ներողություն խնդրել խորհրդարանում իր հայտարարության համար
Սմբատ Սաղիյանը Ազգային ժողովի նիստում ստիպված էր ներողություն խնդրել...
«Բարգավաճ Հայաստանը» դժգոհ է թոշակների անարդար բաշխումից
Հասարակության մեջ դժգոհություն է առաջացել, ասել է Սերգեյ Բագրատյանը...
Հայաստանում աղքատության մակարդակը գնահատվում է ընտանիքի կազմում. փոխնախարար
Բայց եթե մարդուն ընտանիքի կազմում դիտարկենք, ապա նա կարող է աղքատ ընտանիքի անդամ համարվել...
Ամենաշատ