Լոս Անջելեսից դեպի հյուսիս-արեւելք անտառային հրդեհների հետեւանքով այրվել է առնվազն 439 տուն եւ այլ շինություն, հաղորդում է AP-ն: Հրդեհը ոչնչացրել է 466 քառակուսի կիլոմետր տարածք: Սպասվում է, որ հրդեհը կտրուկ քամու պատճառով կտարածվի:
Հրշեջները հայտարարել են, որ հրդեհի դեմ պայքարում հաջողության են հասել, սակայն հազարավոր տներ վտանգի տակ են մնում: Հրդեհը շարունակվում է շարժվել Սանտա Բարբարայի, Կարպինտերիեի եւ Մոնթեսիտոյի ուղղությամբ:
Սա հարավային Քալիֆորնիայի պատմության մեջ հրդեհներից ամենամեծն ու կործանարարն է: Սան Դիեգո շրջանի եւս մի հրդեհ երկու մարդու մահվան պատճառ է դարձել եւ ոչնչացրել առնվազն 20 տուն: