News
Լրահոս
News
Հինգշաբթի
Օգոստոս 16
Տեսնել լրահոսը

ՀՀ քննչական կոմիտեի ԶՔԳՎ հատկապես կարեւոր գործերի քննության վարչությունում ավարտվել է տաքսու վարորդի՝ 1948 թ.  ծնված Հ.Ազատյանի սպանության դեպքի առթիվ հարուցված քրեական գործի նախաքննությունը. մեղադրանք է առաջադրվել պայմանագրային զինծառայողի:

ՀՀ Քննչական կոմիտեից NEWS.am-ին հայտնում են, որ մայիսի 8-ին ահազանգ է ստացվել, որ Նորամարգ եւ Ռանչպար գյուղերի դաշտերը բաժանող ջրատարի Նորամարգ գյուղի հատվածի աջ ափին հայտնաբերվել է տղամարդու կիսաքայքայված դի:

Անմիջապես դեպքի վայր է մեկնել քննչական-օպերատիվ խումբը։ Ձեռնարկված միջոցառումների արդյունքում պարզվել է տղամարդու ինքնությունը, բավարար ապացույցներ ձեռք բերվել, որ վերջինիս մահը հետեւանք է նրա նկատմամբ կիրառված բռնության, պարզվել ենթադրյալ հանցագործություն կատարած անձի ինքնությունը։ 

Այսպես՝ նախնական քննությամբ փաստական տվյալներ են ձեռք բերվել առ այն, որ ՀՀ ՊՆ N զորամասի պայմանագրային զինծառայողը, ունենալով վարկային պարտավորություններ, պարտքով գումար է խնդրել տարբեր անձանցից, սակայն մերժվել է։ Դեպքի օրը՝ 2017թ.  ապրիլի 21-ին՝ ժամը 18:00-ի սահմաններում,  նա նստել է Մասիս քաղաքի կենտրոնական հրապարակում կայանված, նույն քաղաքի բնակչի կողմից վարվող «Օպել Աստրա» մակնիշի տաքսի ավտոմեքենան եւ պատվիրել մեկնել Արարատի մարզի Նորամարգ գյուղի գերեզմանատուն:

Արարատի մարզի Նորամարգ եւ Ռանչպար գյուղերը բաժանող ոռոգման ջրատարի մոտ, բնական կարիքները հոգալու պատրվակով, վարորդին առաջարկել է կանգնեցնել ավտոմեքենան, որից հետո միասին դուրս են եկել ավտոմեքենայից, որտեղ պայմանագրային զինծառայողը հարձակվել է վարորդի վրա եւ ծակող-կտրող գործիքով հինգ անգամ հարվածել վերջինիս մարմնի տարբեր հատվածներին, այնուհետեւ, գետնից վերցրել մետաղյա ատամնանիվ եւ հարվածել գլխին, ինչի հետեւանքով վերջինս ստացած մարմնական վնասվածքներից տեղում մահացել է: Այնուհետեւ զինծառայողը վարորդի գրպանից  հափշտակել է առկա գումարը եւ բջջային հեռախոսը, իսկ դին քաշելով՝ գցել ջրատարի մեջ, որից հետո «Օպել Աստրա» մակնիշի ավտոմեքենայով, մեկնել է Արարատի մարզի Նորամարգ գյուղ:

Ձեռք բերված բավարար ապացույցների համակցությամբ՝ պայմանագրային զինծառայողին մեղադրանք է առաջադրվել՝ ՀՀ քրեական օրենսգրքի 104-րդ հոդվածի 2-րդ մասի 8-րդ կետով  եւ 183-րդ հոդվածի 1-ին մասով: Նրա նկատմամբ որպես խափանման միջոց է ընտրվել կալանավորումը:

Քրեական գործը՝ մեղադրական եզրակացությամբ, ուղարկվել է նախաքննության օրինականության նկատմամբ հսկողություն իրականացնող դատախազին:

Տպել
Կարդացեք նաև
Ամբողջը
Բալային համակարգը կնպաստի վարարոդների կարգապահության բարձրացմանը. ՀՀ ոստիկանապետ
ՀՀ Ճանապարհային ոստիկանությունը կանցնի վարորդների գնահատման բալային համակարգին...
ՀՀ ոստիկանապետը մեկնաբանել է նույնասեռականների եւ ոստիկանների մասնակցությամբ միջադեպը
«Մի քանի սխալ շարժում դեռ չի նշանակում, որ ծեծում են...
Սուրենավանում չրերի դարակն ընկել է քաղաքացու վրա. փրկարարները դարակների տակից հանել են նրա դին
Ժամը 11:30-ին փրկարարները դարակների տակից հանել են Է. Պ.-ի (ծնված 1970 թ.) դին...
ԱԱԾ նախկին աշխատակիցն օժանդակել է, որ ծառայությունից ազատվեն. կա 1 մեղադրյալ, 4 կասկածյալ
Ձեռք բերված բավարար ապացույցների հիման վրա՝ Ա.Անտոնյանին մեղադրանք առաջադրվել...
ԱՄՆ-ում այգում թմրանյութերի գերդոզավորման ախտանիշներով մոտ 50 մարդու են հայտնաբերել
Նրանք, հավանաբար, տուժել են սինթետիկ մարիխուանայի օգտագործման հետեւանքով…
Ավստրալիայի հարավ-արեւելքում ավելի քան 80 անտառային հրդեհ է մոլեգնում
Ավստրալիայի հարավ-արեւելքում Նոր Հարավային Ուելս նահանգում շուրջ 650 մարդ եւ ավիացիայի ավելի քան 40 միավոր է...
Partner news