Երեքշաբթի առնվազն 13 մարդ է զոհվել ԱՄՆ-ի Քալիֆորնիա նահանգի հարավային հատվածում տեղ գտած սողանքների եւ ջրհեղեղների հետեւանքով: Այս մասին հաղորդում է Reuters գործակալությունը՝ վկայակոչելով Սանտա Բարբարա շրջանի ոստիկանության ներկայացուցիչին։
Նրա տվյալներով՝ մահացածների թիվը մոտ ապագայում կարող է աճել:
Ավելի վաղ Associated Press-ը հայտնել էր Մոնտեսիտո քաղաքում հինգ զոհերի մասին, որտեղ սողանքների հետեւանքով ոչնչացվել էին մի քանի տներ, իսկ դրանցից մի քանիսի բնակիչները համարվում են անհետ կորած։
Երկուշաբթի օրվանից Հարավային Կալիֆոռնիայում տեղատարափ անձրեւներ են տեղում, նահանգի մի քանի շրջաններում բնակիչները տարհանվել են: