ՌԴ նախագահին կից ձեռներեցների իրավունքների պաշտպանության հարցով լիազորված Բորիս Տիտովը հույս ունի, որ արտասահմանում թաքնվող բոլոր բիզնեսմենները, որոնք մտել են իր «լոնդոնյան ցուցակի մեջ», աստիճանաբար Ռուսաստան կվերադառնան: Նա այս մասին հայտնել է ՌԴ առաջինը վերադարձած ռոստովցի բիզնեսմեն Անդրեյ Կակովկինի հետ հանդիպման ժամանակ, փոխանցում է ՏԱՍՍ-ը:
«Ես կարծում եմ, որ ցուցակում ընդգրկվածները, որոնք քննությունից թաքնվում են արտասահմանում, աստիճանաբար մեկը մյուսի հետեւից կկարողանան Ռուսաստան ժամանել: Անդրեյ Կակովկինն «առաջին ծիծեռնակն» է, նրան կհետեւեն նաեւ մյուսները: Այդ գործերից յուրաքանչյուրով մենք յուրատեսակ համակարգ ենք վարում, փորձաքննություններ անցկացնում եւ կառուցում ենք քննչական մարմինների ու դատախազության հետ յուրատեսակ հարաբերություններ»,- պարզաբանել է օմբուդսմենը:
Նրա խոսքով՝ բիզնեսմեն Անդեյ Կակովկինը մեղավոր չէ այն հոդվածներով, որոնք նրան մեղսագրվում են:
Հանդիպման ժամանակ ինքը Կակովկինը պարզաբանել է, որ Ռուսաստան վերադառնալով իրեն ձերբակալել են, հարցաքննել, այնուհետեւ ազատ արձակել: «Բիզնես չի մնացել: Գործոններն առաջին հերթին տնտեսական են, չկարողացա օպտիմալացնել ըստ շուկայի կոնյունկտուրայի, ռուբլու արժեզրկման, ստիպված էի թողնել»,- հավելել է ձեռներեցը:
