Իրանի ԱԳՆ պաշտոնական ներկայացուցիչ Բահրամ Քասեմին ԱՄՆ նախագահ Դոնալդ Թրամփի հայտարարությունները Սիրիայում ենթադրյալ քիմիական հարձակման մասին երկրի նախագահ Բաշար Ասադի դեմ ուղղված դավադրություն է անվանել, հաղորդում է «ՌԻԱ Նովոստի»-ն:
Ավելի վաղ ԱՄՆ նախագահ Դոնալդ Թրամփը հայտարարել էր, որ նախագահ Պուտինը, Ռուսաստանը եւ Իրանն են պատասխանատու կենդանական Ասադին աջակցելու համար:
«ԱՄՆ-ի եւ որոշ արեւմտյան երկրների կողմից նման մեղադրանքները վկայում են սիրիական կառավարության, սիրիացիների եւ տարածաշրջանի բնակիչների դեմ նոր դավադրության մասին եւ պատրվակ են Սիրիայի դեմ քայլերի համար»,- ասել է Քասեմին, ում խոսքերը մեջբերվում է Իրանի ԱԳՆ կայքում:
Բացի այդ, Արտաքին գործերի նախարարության ներկայացուցիչը նշել է, որ սիրիական բանակը արդյունավետ կերպով պայքարում է ահաբեկիչների դեմ եւ առավելություն ունի մարտի դաշտում, ուստի քիմիական զենքի օգտագործման մասին ենթադրությունն անտրամաբանական է:
Ըստ Քասեմիի՝ Սիրիայի դեմ քայլերը կբարդացնեն իրավիճակը երկրում եւ պատճառ կդառնան, որպեսզի ահաբեկչական խմբավորումները շարունակեն իրենց գործունեությունը: