Երեւան-Աբովյան մայրուղուց ոստիկանները բերման են ենթարկել sut.am կայքի լրագրող Տիրայր Մուրադյանին: Այս մասին իր ֆեյսբուքյան էջում հայտնել է լրագրողը:
Տիրայր Մուրադյանը հայտարարել է, որ լրագրող է, բեյջ ունի, ոստիկանները հաշվի չեն առել, բռնի ուժով նստեցնել են մեքենան ու բերման ենթարկել:
«Ինձ տանում են անհայտ ուղղությամբ», - իր էջում հասցրել է տեղեկացնել Տիրայր Մուրադյանը:
Ավելի ուշ ոստիկանությունից NEWS.am-ին հայտնեցին, որ նրանք ազատ են արձակել:
Հիշեցնենք, որ երեկ էլ քաղաքացիական հագուստով ոստիկանները երեկ ծեծի էին լրագրող Տիրայր Մուրադյանին: Փաստի առթիվ քրեական գործ է հարուցվել:
Այսօր առավոտից քաղաքի տարբեր հատվածներում լարված իրավիճակներ է առաջանում ցուցարարների եւ ոստիկանների միջեւ. ակտիվիստները քաղաքի տարբեր փողոցներում փորձում են փակել փողոցները, այդ թվում մեքենաներով: Ոստիկանները արագ ժամանելով տվյալ վայրեր փորձում են բացել փողոցները: Ոստիկանները, այդ թվում քաղաքացիական հագուստներով բերման են ենթարկում ցուցարարներին, ընդ որում, բերման են ենթարկում ոչ ոստիկանական մեքենաներով:
Ավելի վաղ NEWS.am-ը հայտնել էր, որ «Քաղաքացիական պայմանագիր» կուսակցության առաջնորդ Նիկոլ Փաշինյանն իր աջակիցների հետ միասին ապրիլի 13-ից բողոքի ակցիաներ է իրականացնում Երեւանի փողոցներում՝ արգելափակելով փողոցներն ու հրապարակները: Նրանք բողոքում են Սերժ Սարգսյանի վարչապետ դառնալու դեմ: Բողոքի ակցիաների ընթացքում բախումներից տուժել է 46 մարդ, այդ թվում Նիկոլ Փաշինյանը: Տասնյակ մարդիկ բերման են ենթարկվում, այդ թվում անչափահասներ:
Կա հարուցված քրեական գործ Հանրային ռադիո մուտք գործելու եւ Մաշտոց-Թումանյան խաչմերուկում միջադեպի փաստերով՝ ՀՀ քրեական օրենսգրքի 225-րդ հոդվածի հատկանիշներով:
Նշենք, որ ապրիլի 17-ին ԱԺ հատուկ նիստում Սերժ Սարգսյանը ՀՀ վարչապետ է ընտրվել 77 կողմ, 18 դեմ ձայներով:
