Իսրայելի պաշտպանության բանակը երեքշաբթի հայտնել է, որ երկու Patriot հրթիռներով խոցել է սիրիական «Սուխոյ» կործանիչ, որը ներթափանցել է Իսրայելի օդային տիրույթ եւ խորացել 2 կիլոմետրով, փոխանցում է ՏԱՍՍ–ը։
«Patriot երկու հրթիռներ են արձակվել սիրիական «Սուխոյ» կործանիչի ուղղությամբ, որը ներթափանցել էր Իսրայելի օդային տարածություն։ Բանակը նախօրոք հետեւել է կործանիչի շարժմանը, որը 2 կիլոմետր ներթափանցել էր Իսրայելի օդային տարածություն, որից հետո խոցվել է Patriot հրթիռների կողմից»,–ասված է ռազմական կոմյունիկեում։