News
Լրահոս
News
Չորեքշաբթի
Հունվար 16
Տեսնել լրահոսը

Կառավարությունը  այս 5 ամսվա  ընթացքում, ըստ էության, ոչինչ չի արել։ Այս մասին Shant հեռուստաընկերության հետ զրույցում ասել է ՀՀ նախկին վարչապետ Հրանտ Բագրատյանը։

«Հիշում եք, երբ որ մայիսին ծրագիր ներկայացրեցին այսպես կոչված ծրագիրը, իրականում ծրագիր չկար եւ ես ասում էի՝ առանց ծրագիր Կառավարությունը չի կարող աշխատել։ Դուք պատկերացրեք ներդրումների անկում եղավ 11 անգամ, բա հեղափոխություն էր, երգեր էին երգում, Սերժ Թանկյանը երգեր էր երգում, դե արի Հայսատան ներդրում արա։ Սա նրա հետեւանքն է, որ այդ համակարգչային երիտասարդությունը դուրս եկավ, հեղափոխություն արեց, հիմա էլ ասում է՝ դե ինձ պահեք»,-ասաց Հրանտ Բագրատյանը։

Նրա խոսքով, առանց այդ էլ վատ վիճակում կատարվեց «կատարյալ հիմարություն»  եւ կուտակայինը 2 անգամ ավելացրեցին․ «Սա աշխարհում միակ երկիրն է, որտեղ բյուջեից ապագա թոշակ են տալիս, այսինքն՝ ծերերը թոշակավորում են երիտասարդներին, իբր թե էդ երիտասարդները իբր 45 տարի հետո պետք է փող ստանան, բայց 45 տարի հետո ոչինչ էլ չեն ստանա, 3 մատի կոմբինացիա կստանան։ Եթե այդ գումարները բյուջեից չվճարվեին հնարավոր կլիներ կենսաթոշակները բարձրացնել»։

Նախկին վարչապետի խոսքով՝ Կառավարության մյուս սուբյեկտիվ սխալը «ասֆալտին փռելն ու պատին խփելն է», որից հետո ոչ մի ներդրող չի գա երկիր։

Հրանտ Բագրատյանը նաեւ բացատրել է, թե ինչու է  հարկեր- ՀՆԱ-ի իջեցումը հանգեցնում ստվերի ավելացմանը։

«Եթե հարկեր-ՀՆԱ-ն իջնում է, նշանակում է, առնվազն ստվերն ավելանում է։ Ինչու, որովհետեւ 2019-ին, որում պետք է աշխատի տնտեսությունը հարկերը մի փոքր  ավելի բարձր են քան 2018-ին, 19-20 միլիարդ հարկ կստանանք, քանի որ կունենանք որոշ հարկատեսակների բարձրացում, չնայած ես կիսվել եմ Կառավարության հետ եւ այդ հարցով ունեցել եմ հանդիպումներ, ինձ թվում է համեմատաբար լավ կոնցեպտ կա հարկային ռեֆորմում, բայց դա խոսակցություններ են, ռեֆորմները երբեմն 100 տարի էլ մնում են խոսակցություն։ Հիմա դուք հավաքում եք ավելի քիչ հարկ միեւնույն գումար ՀՆԱ-ից, քան թե 2018-ին, որն, ի դեպ, այդ պակասեցումը պայմանավորված չէ տնտեսության մեջ կառուցվածքային փոփոխություններով, որը նշանակում է՝ դուք ավելի շատ ստվեր ունեք, դա նշանակում է 2019 թվականին դուք ավելի շատ պլանավորված կոռուպցիա ավելի շատ ունեք, քան թե այս տարի։ Հիմնականում 99 տոկոսով ստվերը հանգեցնում է կոռուպցիայի։ Ես գուշացրել եմ այս մասին Կառավարությանը, ինչումն է խնդիրը, որ Ատոմ Ջանջուղազյանը համոզել է Փաշինյանին, որ թեթեւ բյուջե ընդունեք, որ կարողանանք կատարել, հիմա մենք Ատոմ Ջանջուղազյանի գերին հո չենք»,-ասաց նա։

Տպել
Կարդացեք նաև
Ամբողջը
ԱԺ-ն այսօր շարունակում է հանձնաժողովի նախագահների ընտրության հարցի քննարկումը (ուղիղ, ֆոտոռեպորտաժ)
ԱԺ անդրանիկ նստաշրջանի օրակարգում են նաեւ Կառավարության ծրագրին հավանություն տալու հարցը, ինչպես նաեւ...
Եթե պարզվի, որ քննարկվում է Արցախի կարգավիճակի հարցը, նշանակում է՝ իշխող ուժը խաբել է ընտրողներին. Ստեփան Դանիելյան
Հանրաքվեով տակից դուրս գալ չի ստացվի, դա այն հարց չի...
«Ժողովուրդ». Ճոխություններ. ԱԺ փոխնախագահների համար նոր մեքենաներ կգնեն
Ավտոմեքենաները այժմ տրամադրվել են հանձնաժողովի նախագահներին...
«Փաստ». Դրամական ի՞նչ միջոցներ է հայտարարագրել Արմավիրի մարզպետը
ամբարձում Մաթեւոսյանը Արմավիրի մարզպետի պաշտոնին է նշանակվել 2018 թ. հոկտեմբերին...
«Փաստ». Ո՞վ կլինի ԵՊՀ հոգաբարձուների խորհրդի նախագահը Սերժ Սարգսյանից հետո. Թեկնածուն հայտնի է
Հիշեցնենք, որ նախկինում ԵՊՀ հոգաբարձուների խորհրդի նախագահն էր ՀՀ երրորդ նախագահ Սերժ Սարգսյանը, ով...
«Ժողովուրդ». Ինչու է դատավորը հրաժարվել քննել Սերժ Սարգսյանի եղբոր գործը. «բարոյականությունը պահպանելու» հարց է
Դատավորներից մի քանիսը հրաժարվել են քննել աղմկահարույց գործերով անցնող նախկին պաշտոնյաներին...