News
Լրահոս
News
Շաբաթ
Հոկտեմբեր 31
USD
493.6
EUR
576.08
RUB
6.24
ME-USD
0.01
Տեսնել լրահոսը

Իլհամ Ալիեւի «ջոջուղ-մարջանլիսյան ուղերձը» հիշեցնում է Ադոլֆ Հիտլերի հռետորաբանությունը, որը նա օգտագործում էր նացիոնալ-սոցիալիստական գերմանական բանվորական կուսակցության համագումարներում։ Այս մասին ասել է Արցախի Հանրապետության նախագահի աշխատակազմի ղեկավար, նախագահի Գլխավոր տեղեկատվական վարչության պետ Դավիթ Բաբայանը՝ NEWS.am-ի թղթակցի խնդրանքով մեկնաբանելով Ադրբեջանի նախագահի հերթական հակահայկական հայտարարությունը։

«Անկախ ամեն ինչից, պետք է խոստովանել, որ Ալիեւը ազնիվ է իր խոսքերում եւ գործողություններում։ Նա չի թաքցնում Արցախը ոչնչացնելու մտադրությունը։ Ճիշտ այնպես, ինչպես Հիտլերն էր հայտարարում այս կամ այն ժողովրդին ոչնչացնելու մասին։ Նվազագույն հնարավորության դեպքում Ադրբեջանը, նացիստական Գերմանիայի օրինակով, կստեղծի Արցախի տարածքում տասնյակ համակենտրոնացման ճամբարներ։ Ահա թե ինչի է ձգտում Ադրբեջանը, եթե հնարավորություն ստանա հարցը լուծել ուժով»,- ընդգծել է Դավիթ Բաբայանը։

Ինչ վերաբերում է Ադրբեջանի իշխանությունների կողմից պարբերաբար հնչող մեղադրանքներին միջազգային հանրության հասցեին իբր երկակի չափորոշիչների մասին, Դավիթ Բաբայանը հիշեցրել է, որ միջազգային հանրությունը մինչեւ հիմա համարժեք գնահատական չի տվել Բավքում, Սումգաիթում, Կիրովաբադում հայերի կոտորածին։

«Դրա փոխարեն, Ադրբեջանում իրականացվում է մասշտաբային մարզական միջոցառում, որին հայերին թույլ չեն տալիս մասնակցել։ Գտնվեցին կարգին մարդիկ, ովքեր հրաժարվեցին գնալ Բաքու, բայց ընդհանուր առմամբ միջազգային հանրությունը լուռ է մնում Ադրբեջանի նացիստական հռետորաբանության հանդեպ։ Բայց չէ՞ որ երկրպագուների խտրականության եւ այն իրավիճակի լավագույն պատասխանը, երբ Հենրիխ Մխիթարյանն ստիպված էր հրաժարվել մրցաշարին մասնակցությունից, պետք է լիներ Բաքվի խաղը չեղարկելու որոշումը»,- ամփոփել է Դավիթ Բաբայանը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ուզում եմ հղել ձեզ իմ երախտագիտության խոսքը՝ մեր հերոսական սերնդի համար. Արցախի նախագահը՝ ուսուցիչներին
Այն քաջ հայորդիների, ովքեր, փայլուն կերպով սերտելով ձեր տված հայրենասիրության դասը...
Բարի լույսը` առաջնագծում մեր հերոս տղաների հետ. Արայիկ Հարությունյանը լուսանկար է հրապարակել առաջնագծից
Բարի լույսը` առաջնագծում զինվորի պատրաստած ամենահամով…
Արցախի նախագահը նոր հրամանագիր է ստորագրել
ԱՀ նախագահի խորհրդական-տնտեսագիտական վարչության պետ Հակոբ Ղահրամանյանին...
Արցախի ժողովրդին չի կարող շեղել ընտրած ճանապարհից. Հարությունյանն ընդլայնված խորհրդակցություն է հրավիրել
Մեկ անգամ ևս հավաստում եմ, որ նախագահի ծրագիրը կազմված է «Ազատ հայրենիք-ՔՄԴ» դաշինքի և «Միասնական հայրենիք» կուսակցության միջև կնքված հուշագրից ելնելով...
Արցախում կորոնավիրուսի 10 նոր դեպք է գրանցվել
Հիվանդների շփման շրջանակը պարզելու ուղղությամբ կատարվում են անհրաժեշտ աշխատանքներ…
Արցախի նախագահն այցելել է Ստեփանակերտի արևելյան հատվածում տեղակայված գերեզմանատան տարածք
Երկրի ղեկավարը հանձնարարել է ընթացիկ տարում ասֆալտապատել գերեզմանատան հիմնական ճանապարհը...