Բոլոր ժամանակների բոլոր ազգերը ընկերությունը սոցիալական եւ բարոյական արժեք են համարել: Զարմանալի չէ, որ տարբեր երկրներում նշվում են ընկերությանը նվիրված տոները: Դրանցից մեկը ընկերների միջազգային օրն է (International Friends Day): Այն նշվում է ամեն տարի հունիսի 9-ին, գրում է Calend.ru-ն:
Ժողովրդական արվեստը պատահական չէ, որ բազմաթիվ ասացվածքներ, ասույթներ եւ աֆորիզմներ ունի ընկերների մասին:
Չնայած պատմությունը լռում է, թե ով է այդ ոչ պաշտոնական տոնի ստեղծողը, սակայն դա չի խանգարում, որ տոնը մեծ ճանաչում ունենա:
Հնարավոր է, որ այդ տոնը եւս մեկ հիանալի առիթ լինի, որպեսզի կրկին զանգեք կամ գրեք ձեր հին ու բարի ընկերներին, ապա հավաքվեք աղմկոտ ու ընկերական շրջապատով եւ կիսվեք հաճելի հիշողություններով եւ լավ նորություններով:
Իսկ հուլիսի 30-ին նշվում է ընկերության միջազգային օրը:
