News
Լրահոս
News
Չորեքշաբթի
Օգոստոս 17
USD
406.09
EUR
411.41
RUB
6.62
Տեսնել լրահոսը

Մարտ ամսին 2 շաբաթ կապ չենք ունեցել Դադիվանքում հոգեւոր ծառայություն իրականացնող հոգեւորականների հետ, հիմա այս հարցը կարգավորվել է։ Այս մասին NEWS.am-ի հետ զրույցում ասաց Արցախի թեմի առաջնորդ Գերաշնորհ Տ․Վրթանես եպիսկոպոս Աբրահամյանը։

Նա նշեց, որ հնարավորություն չեն ունեցել ո՛չ սնունդ ուղարկել, ո՛չ կապ հաստատել, նույնը՝ նաեւ այնտեղի ռուս խաղաղապահների հետ էր. սակայն հարց արդեն կարգավորվել է։

«Հայ հոգեւորականներն իրենց ծառայությունն են մատուցում։ Սակայն ուխտավորների այցը շարունակում է կասեցված մնալ։ Մենք դիմել ենք, որ եթե հնարավոր լինի, Զատիկին ուխտագնացություններ կազմակերպենք, որ գնան պատարագի մասնակցեն»,- ասաց Արցախի թեմի առաջնորդը։

Նշենք, որ հայ ուխտավորները մայիսից չեն կարողանում մտնել Դադիվանք։ Մինչ այդ նրանք խմբերով, ռուս խաղաղապահների ուղեկցությամբ այցելում էին Դադիվանք, բայց հետզհետե ադրբեջանցիները դժվարեցրեցին հայ ուխտավորների մուտքը Դադիվանք։ 2021թ.–ի հոկտեմբերին, Մոսկվայում, Ամենայն Հայոց Կաթողիկոս Գարեգին Բ–ն հանդիպել էր  Համայն Ռուսիո Կիրիլ Ա Պատրիարքի  եւ Ադրբեջանի հոգեւոր առաջնորդի հետ եւ բարձրաձայնել հայ հոգեւորականների ու հավատացյալների այցերը Դադիդավանք վերսկսելու հարցի շուրջ։ Ուխտագնացությունների վերականգնման շուրջ եռակողմ բանակցություններ էին ընթանում, սակայն այդ հանդիպումից երեք ամիս անց էլ հայ ուխտավորները չեն կարող այցելել Դադիվանք։

Արցախի թեմի առաջնորդն այս ընթացքում բազմիցս է այդ հարցը բարձրաձայնել թե՛ տեղական իշխանությունների, թե՛ ռուս խաղաղապահների հրամանատարի եւ նրանց հոգեւորականի հետ զրույցներում։

Դադիվանքը Հայ առաքելական եկեղեցու հնագույն քրիստոնեական վանական համալիրներից է։ Գտնվում է Քարվաճառի շրջանում, որը 2020թ.–ի նոյեմբերի 9–ի հայտարարությունից հետո, անցավ Ադրբեջանի վերահսկողության տակ։ Անվտանգության ապահովման համար ռուսական խաղաղապահ զորախմբի դիտակետերից մեկը հայկական վանքի հարեւանությամբ է։

Տպել
Կարդացեք նաև
Ամբողջը
Արայիկ Հարությունյանն Ամարասում մասնակցել է Սուրբ Աստվածածնի Վերափոխման տոնի պատարագին
Երկրի ղեկավարը պատարագից հետո ներկա է գտնվել…
Օգոստոսի 14-ին կնշվի Սուրբ Աստվածածնի Վերափոխման տոնը, այդ օրը կկատարվի Խաղողօրհնեքի արարողություն
Այդ բերկրառատ օրվա կապակցությամբ Մայր Աթոռի միաբանությունը Պատարագի սրբազան արարողությանը կմասնակցի Սուրբ Գայանե վանքում...
Տեր Ներսես աբեղա Հարությունյանը նշանակվել է Միլանի հոգեւոր հովիվ
Ամենայն Հայոց Կաթողիկոսի հայրապետական տնօրինությամբ օգոստոսի 9-ից Հոգեշնորհ Տ․ Ներսես աբեղա Հարությունյանը ծառայության է կոչվել...
ՊԵԿ-ը Շիրակի թեմի առաջնորդին դատարան ներկայանալու ծանուցում է ուղարկել
Պետական եկամուտների կոմիտեն Հայ Առաքելական եկեղեցու Շիրակի թեմի առաջնորդ ․․․
Ամենայն Հայոց Կաթողիկոսն ընդունել է ԱՄՆ Հայոց Արևելյան թեմի ուխտավորներին
Հանդիպման սկզբում Արժանապատիվ Տեր Հայրը ներկայացրեց ուխտավորներին՝ հայցելով Նորին Սրբության օրհնությունը…
Ձերբակալված տղամարդու մոտ հայտնաբերվել է թմրամիջոց ու ծալովի դանակ
Հուլիսի 31-ին, գիշերվա ժամը 3.30-ին, մայրաքաղաքի պարեկները, ապօրինի…
Ֆոտոռեպորտաժներ