նախընտրելի դարձնելՀելսինկյան քաղաքացիական ասամբլեայի Վանաձորի գրասենյակը տեղեկացնում է, որ քարոզարշավի շրջանակներում ՀՀԿ առաջնորդ Սերժ Սարգսյանի Վանաձոր այցով պայմանավորված, քաղաքում «կարկատում են» փողոցները, գործարկվել են շատրվանները, միկրոավտոբուսներին պարտադրել են բնակչությանը սպասարկել անվճար:
ՀՔԱ Վանաձորի գրասենյակի հաղորդագրության մեջ, մասնավորապես, նշվում է.
«Այսօր` ապրիլի 27-ին ՀՀԿ նախագահ Սերժ Սարգսյանը նախընտրական քարոզչության շրջանակներում ժամանելու է Վանաձոր:
Վանաձորում արդեն ներքաղաքային միկրոավտոբուսների վարորդները բողոքում են, որ այցի կապակցությամբ ստիպված են ժամը 15:30-ից հետո ուղեւորներին սպասարկել անվճար:
Բացի այդ Հանրապետական կուսակցության դրոշները փակցված են Տարոն թաղամասից մինչեւ Տավրոս թաղամասերի, Բաղրամյան փողոցի էլեկտրասյուների վրա:
Արդեն երկու օր է մինչեւ ուշ երեկոյան «կարկատան» են արվում քաղաքի կենտրոնական փողոցների անբարեկարգ հատվածները: Թարմացվել են փողոցների գծանիշերը: Փակվել են բաց դիտահորերը:
Գործարկվել են Հայքի հրապարակի շատրվանները, աղբից մաքրվել են քաղաքի կենտրոնական փողոցները:
Եվ այս ամենը պայմանավորված է ՀՀԿ նախագահ Սերժ Սարգսյանի այցով»:
