Նիկոլա Սարկոզին կրճատել է Ֆրանսուա Օլանդի հետ տարբերությունը Ֆրանսիայում նախագահական ընտրություններից երկու օր առաջ։ Այդ մասին են վկայում հասարակական հարցման արդյունքները։  
Ըստ Harris Interactive-ի հարցման տվյալների, որն անցկացվել էր մայիսի 2-ին կայացած հեռուստաբանավեճից հետո, Օլանդի օգտին պատրաստ է  քվեարկել ֆրանսիացիների  53%-ը, Սարկոզիի օգտին՝  47%-ը։ Ապրիլի վերջի համեմատությամբ՝  Սարկոզիի  վարկանիշը բարձրացել է 2 տոկոսով։
Ընդ որում հարցվողների 31%-ը հայտարարել էին, որ հեռուստաբանավեճի ժամանակ ամենահամոզիչը եղել է Օլանդը։  Harris Interactive-ի հարցումների  29%-ը հեռուստաբանավեճի հաղթող է ճանաչել Սարկոզիին, հայտնում է  Lenta.ru-ն։
Նման արդյունքներ են ցույց տվել նաեւ CSA ընկերության հարցումները. 53% օլանդի օգտին,  47%՝ Սարկոզիի։ Հեռուստաբանավեճի հաղթող հարցվողներն Օլանդին են ճանաչել՝  44%։ Սարկոզիին է նախընտրել 38% -ը։
OpinionWay-ի անցկացրած հասարակական կարծիքի հարցումը ցույց է տալիս, որ Օլանդը կարող է  հուսալ ընտրողների ձայների 52,3%-ը, իսկ Սարկոզին՝  47,5%-ը։
Նախագահական ընտրությունների երկրորդ փուլը, որտեղ կհանդիպեն սոցիալիստ Ֆրանսուա Օլանդը եւ պետության գործող ղեկավար Նիկոլա Սարկոզին, տեղի կունենա մայիսի 6-ին Ֆրանսիայում։ Առաջին փուլում Օլանդը հավաքել էր 28,63% ձայն, իսկ Սարկոզին՝  27,18%-ը։