նախընտրելի դարձնելԼրագրողների դիտարկմանը, թե ահազանգեր կան այն մասին, որ ընտրության մասնակցած անձանց անձնագրերում կնիքը չի երեւում, Տիգրան Մուկուչյանը լրագրողներին հավաստիացրել է, որ խնդիրը տեխնիկական է եղել եւ արդեն կարգավորվել է:
«Դա ընդամենը եղել է թանաքանյութը առանց թափահարելու օգտագործելու հետեւանքով: Խնդիրն արդեն կարգավորված է»,-ասել է Տիգրան Մուկուչյանը:
Ավելի վաղ ՀԱԿ առաջնորդ Լեւոն Տեր-Պետրոսյանի մամուլի խոսնակ Արման Մուսինյանը լրագրողներին ահազանգել էր, որ անձնագրերում քվեարկությունից հետո ընտրական հանձնաժողովների կողմից դրված դրոշմակնիքներն անհետանում են նախատեսված ժամանակից շուտ:
«Այդ կնիքները մասսայականորեն անհետանում են: Ես էլ առավոտյան քվեարկել եմ, արագ անհետացել է, մինչդեռ պետք է մնա 12 ժամ»,- ասաց Մուսինյանը:
Հայ ազգային կոնգրեսից հայտնեցին, որ քաղաքացիներն ահազանգում են, թե որոշ տեղամասերում քվեարկությունից հետո անձնագրում դրված կնիքի դրոշմը մաքրվել է 15 րոպե անց արդեն: Մինչդեռ թանաքը պետք է օքսիդանար 12 ժամից:
Ահազանգեր են եղել Գյումրիից, Վանաձորից, Երեւանից, Մեղրիից, Հրազդանից:
Խնդրի մասին ահազանգում են նաեւ որոշ դիտորդներ:
Հայաստանում տեղական ժամանակով ժամը 08.00-ին սկսվել է 5-րդ գումարման Ազգային ժողովի ընտրությունների քվեարկությունը:
