նախընտրելի դարձնել
Հռոմի Լևոն XIV պապը հայտարարել է, որ մասնագետների մտահոգությունները արհեստական բանականության հնարավոր սպառնալիքների վերաբերյալ չի կարելի անտեսել։ Նրա կարծիքով՝ անպատասխանատու է հրաժարվել արհեստական բանականության ոլորտում հնարավոր սահմանափակումների քննարկումից։
Քահանայապետն այս հայտարարությունն արել է Ֆրանսիայից վերադառնալու ճանապարհին՝ իր մամուլի խմբի լրագրողների հետ զրույցի ընթացքում։
«Եթե ինձ հարցնեին՝ արդյոք ես խուճապի՞ եմ մատնվել՝ մարդկության համար արհեստական բանականության սպառնալիքների մասին հայտարարություններից, ես կպատասխանեի՝ ոչ։ Ես գիշերները հանգիստ եմ քնում։ Սակայն կարծում եմ՝ արհեստական բանականության ոլորտի բազմաթիվ փորձագետների և մասնագետների արտահայտած մտահոգություններին պետք է վերաբերվել ամենայն լրջությամբ»,- ասել է Լևոն XIV-ը։
Նա միաժամանակ մերժել է այն ենթադրությունը, ըստ որի արհեստական բանականության վտանգի մասին նախազգուշացումները կարող են միտումնավոր տարածվող ապատեղեկատվություն լինել։
«Ես չեմ կարծում, թե դրանք [արհեստական բանականության վտանգի մասին] կեղծ լուրեր են, որոնք տարածվում են որևէ ֆինանսական կամ այլ շահի համար, ինչպես պնդում են ոմանք»,- նշել է քահանայապետը։
Միևնույն ժամանակ Լևոն XIV-ը դրական է գնահատել արհեստական բանականության զարգացմանն ու կիրառմանն առնչվող ռիսկերը, ներառյալ՝ Վատիկանի ներկայացուցիչների մասնակցությամբ քննարկելու մասնագետների պատրաստակամությունը։
Քահանայապետը հիշեցրել է իր առաջին հանրագիտարանը՝ Magnifica Humanitas («Հոյակապ մարդկություն»), որը նվիրված է արհեստական բանականությանը։ Փաստաթղթում արհեստական բանականությունը դիտարկվում է միաժամանակ որպես նոր հնարավորությունների աղբյուր և որպես մարտահրավեր մարդկության համար։
Ավելի վաղ ԱՄՆ նախագահ Դոնալդ Թրամփը հայտարարել էր, որ չի վախենում արհեստական բանականության հնարավոր սպառնալիքից մարդկության գոյության համար և նման նախազգուշացումները «կեղծիք» էր որակել։
