նախընտրելի դարձնելԵգիպտոսի նախկին նախագահ Հոսնի Մուբարաքը Թորի բանտի ղեկավարին խնդրել է իր պալատ տեղափոխել ավագ որդուն` Ալյային: Նրա կրտսեր որդի Գամալն արդեն նախնական կալանքի խցից տեղափոխվել է Թոր բանտի հիվանդանոց:
Մուբարաքը խնդրանքը բացատրել է մշտապես վատացող առողջությամբ եւ երկու որդիների մոտ գտնվելու ցանկությամբ: Ըստ Թորի հիվանդանոցի բուժանձնակազմի տեղեկության` Մուբարաքի վիճակն արդեն մի քանի օր է «կայուն ծանր է» մնում: Ինչպես հաղորդվել էր ավելի վաղ, բժշկական հանձնաժողովը եկել էր այն եզրակացության, որ նրա մոտ ամեն րոպե կարող է ինսուլտ լինել:
Նախկին նախագահի բարեկամները ՆԳՆ-ից թույլտվության են ձգտում ավելի ժամանակակից հաստատություն նրա տեղափոխման համար, որտեղ անհրաժեշտ բժշկական սարքերի միջոցով հնարավոր է կայունացնել նրա վիճակը, հաղորդում է «ՌԻԱ Նովոստին»:
Հիշեցնենք, որ հունիսի 2-ին եգիպտական դատարանը Հոսնի Մուբարաքին մեղադրական դատավճիռ էր կայացրել 2011 թվականի հեղափոխական գարնան ժամանակ խաղաղ ցուցարարների հրաձգության գործով: Նախկին նախագահը դատապարտվել էր ցմահ բանտարկության եւ տեղափոխվել Թորի բանտ: Այդ նույն օրը նա սրտի կաթված էր ստացել:
