նախընտրելի դարձնելԼոռիի մարզում, հունիսի 13-ին, ժամը 14.00-ին գրություն է ստացվել, որ Խնկոյան գյուղի ցանքատարածությունները ոռոգելու նպատակով կառուցված 10000 քմ մակերեսով ջրավազանի պատնեշը գտնվում է վթարային վիճակում:
Հայաստանի ԱԻՆ փրկարար ծառայությունից NEWS.am-ին հայտնում են, որ դեպքի վայր է մեկնել մարզային փրկարական վարչության օպերատիվ խումբը:
Տեղում պարզվել է, որ 120x85x1,5 մ չափի ջրավազանը դատարկ է, իսկ մոտ 10 մ երկարությամբ պատնեշը գտնվում է վթարային վիճակում:
Ջրավազանի պատնեշի վթարային վիճակի վերաբերյալ տեղեկացրել են մարզպետարան:
