ՆախընտրելիՌազմական ոլորտում ռուս-հայկական հարաբերությունները կրում են ռազմավարական գործընկերային բնույթ: Այդ մասին այսօր՝ հունվարի 13-ին հայտարարել է Ռուսաստանի պաշտպանության նախարար Անատոլի Սերդյուկովը՝ իր հայ գործընկեր Սեյրան Օհանյանի հետ հանդիպմանը:
Ինչպես հայտնում է ԻՏԱՌ-ՏԱՍՍ-ը՝ վկայակոչելով ՌԴ ՊՆ մամուլի քարտուղար Իրինա Կովալչուկին, հանդիպման ընթացքում կողմերը քննարկել են ռազմական եւ ռազմա-տեխնիկական համագործակցության հարցեր, նաեւ տարածաշրջանային անվտանգության խնդիրներ:
Բացի այդ, նրա խոսքով, հանդիպման ընթացքում քննարկվել է ՌԴ պաշտպանության նախարարության բուհերում հայ զինվորականների պատրաստման հարցը:
