Քարոլին Մուգարը 1992 թ.  ձմռանն այցելելով  Հայաստան, ականատես էր եղել, թե  ինչպես են հազարավոր ծառեր հատվում` որպես վառելիք օգտագործելու համար, մարդիկ անգամ հուսահատությունից իրենց կահույքն են այրում:  Նա պարտավորություն էր վերցրել կանխել անտառների հետագա հատումը եւ 1994թ. հիմնադրել էր  «Armenia Tree Project»-ը («Հայաստան ծառատունկ նախագիծ»), տեղեկացնում է   «Asbarez»-ը:

Նախագծի շրջանակում  այս աշնանը տնկվել է  28 383  ծառ` Հայաստանի եւ Լեռնային Ղարաբաղի  75 վայրում: Այս կապակցությամբ ծրագրի ղեկավար Արթուր Հարությունյանը հայտարարել է. «1994թ-ից ծրագիրը շոշափել է 327 բանկավայր` գյուղ, քաղաք: Բոլոր այդ բնակավայրում մենք  931 հողամաս ենք կանաչապատել:  Մենք, իհարկե, հուսով ենք, որ սփյուռքում  մեր կողմնակիցների եւ  Նորվեգիայի  արտգործնախարարության աջակցությամբ մենք ի վերջո կհասնենք յուրաքանչյուր գյուղ եւ քաղաք»:

Մի քանի նշանակալի ծառատնկումներ այս աշնանն ավարտվել են «Synopsys Armenia»-ի, «HSBC» բանկի, ԱՄՆ խաղաղության կորպուսի աջակցությամբ: