նախընտրելի դարձնել
ԱՄՆ-ի Վեբստեր քաղաքում տղամարդը միտումնավոր հրդեհել է իր տունը եւ մեքենան, որպեսզի կրակի դեպքի վայր ժամանած հրշեջներին:
Նյու Յորք նահանգի ոստիկանությունում հայտնել են, որ հրդեհն սկսվել էր տեղական ժամանակով առավոտյան ժամը վեցին: Ժամանել են չորս հրշեջներ: Նրանք արդեն մարելիս են եղել կրակը, երբ 62-ամյա Վիլյամ Շպենգլերն սկսել է կրակել: Երկու հրշեջ մահացել են տեղում, մյուս երկուսը փորձել են փախչել, սակայն վիրավորվել են: Ոստիկանների ժամանման պահին հրաձիգն արդեն ինքնասպան էր եղել, հայտնում է TLTNews-ը:
Հրդեհը ոչնչացրել է յոթ տներ եւ մի քանի մեքենա: Ոստիկանությունում անհանգստանում են, որ այդ շինությունների որոշ բնակիչներ կարող էին մահանալ այդ փլատակների տակ, այդ թվում Շպենգլերի քույրը, գրում է gazeta.ru-ն:
Հայտնի է, որ նախկինում Շպենգլերը 17 տարի բանտում էր եղել սեփական տատիկի սպանության համար, իսկ վերջին ժամանակներս տառապում էր հոգեկան խանգարումներով:
