Հայաստանում ռուսական ռազմակայան ժամանած ավելի քան 200 վարորդներն ու վարորդ-մեխանիկները Տ-72Բ տանկերի, մարտական մեքենաների շահագործման հատուկ պարապմունքներ են սկսել «Ալագյազ» եւ «Կամհուդ» զորավարժարաններում:

Հատուկ ուշադրություն է դարձվում զրահատանկային տեխնիկայի կարգավորման համակարգին՝ բարձրլեռնային եւ օդի ջերմաստիճանի անկման պայմաններում  շարժիչների տաքացումը եւ վառելիքի կորուստը բացառելու համար:

Հատուկ դասընթացներում ձեռք բերված հմտությունները կկիրառվեն ռազմակայանի  ստորաբաժանումների դաշտային ելույթների եւ տարբեր մակարդակի մարտավարական զորավարժությունների ժամանակ: