նախընտրելի դարձնել
Սիրիայի իշխանությունները նախօերին պաշտոնապես հաստատել են Իսրայելի ռազմական ինքնաթիռների ներխուժումը երկրի օդային տարածք:
Սիրիայի պետական լրատվամիջոցները տարածել են Սիրիայի Արաբական Հանրապետության բանակի գերագույն հրամատարության եւ զինված ուժերի հայտարարությունը, որում ասված է, որ հունվարի 30-ին Իսրայելի ռազմական ինքնաթիռները ներխուժել են Սիրիայի օդային տարածք եւ ռմբակոծել Դամասկոս նահանգի Ջամրայ շրջանի գիտահետազոտական կենտրոնը:
Հասցվել է նյութական մեծ վնաս, զոհվել է երկու աշխատակից, եւս հինգ մարդ վիրավորվել է, նշվում է Սիրիայի ռազմական հրամանատարության հաղորդագրության մեջ: «Ջամրայում շինության ոչնչացումը Սիրիայի ինքիշխանության խախտում է:
Այդ հարձակումն ապացուցում է Թուրքիայի եւ Կատարի հետ մեկտեղ Իսրայելի անմիջական մասնակցությունը Սիրիայի դեմ ահաբեկչական գործողությանը: Նոր ագրեսիվ գործողությունը չի թուլացնի Սիրիային եւ նրա ժողովրդին չի ստիպի հրաժարվել ազատագրական շարժումներից», - ընդգծվել է հայտարարության մեջ:
Իսրայելի իշխանություններն առայժմ Սիրիայի օդային տարածքը խախտելու պաշտոնական հայտարարություններով հանդես չեն եկել:
