նախընտրելի դարձնել
ՀԱԿ անդամ Հայոց համազգային շարժում կուսակցությանն անդամ Հենրիկ Ավագյանին հեռացրել են կուսակցությունից, քանի որ նա սատարում է նախկին վարչապետ Հրանտ Բագրատյանին: Նախագահի թեկնածուի մամուլի քարտուղար Կարինե Հարությունյանը NEWS.am-ի թղթակցի հետ զրույցում ասաց, որ իրենք տեղյակ են այս մասին, Հենրիկ Ավագյանն ասել էր:
Ի դեպ, Հենրիկ Ավագյանի` Հրանտ Բագրատյանի Արմավիրի նախընտրական շտաբի պետն է: Հրանտ Բագրատյանին սատարելու համար իրենց կուսակցություններից հեռացված այլ մարդիկ, մամուլի քարտուղարի խոսքով, չկան: Իսկ թե ինչպես են գնահատում այս երեւույթը, նա թողեց առանց մեկնաբանության:
Հիշեցնենք, որ ավելի վաղ Կարինե Հարությունյանը նշել էր, թե իրենց շտաբ են այցելել բավական թվով մարդիկ այլ կուսակցություններից: «Նրանք մարդիկ են, ովքեր հիասթափություններ ունեն իրենց կուսակցության գործունեությունից եւ նույնիսկ ցանկություն են հայտնում անդամագրվելու Հրանտ Բագրատյանի` «Ազատություն» կուսակցությանը: Շատ կամավորներ ցանկություն ունեն պարոն Բագրատյանի նախընտրական բուկլետները բաժանելու»,- ասել է նա:
Նշենք, որ ՀԱԿ-ը նախագահական ընտրություններին որեւէ թեկնածու չի առաջադրել եւ որեւէ մեկին չի սատարում, բայց կան ՀԱԿ առանձին անդամներ կամ կուսակցություններ, որոնք հայտարարել են եւ սատարում են ՀԱԿ անդամ, այժմ ՀԱԿ-ի հետ իր հարաբերությունները սառեցրած «Ազատություն» կուսակցության ղեկավար Հրանտ Բագրատյանին:
