նախընտրելի դարձնելԱՄՆ-ի հյուսիս-արեւմուտքում վրա հասած «Նեմո» ձնաբուքը տեղական օդանավակայաններին ստիպել է հետաձգել շուրջ 1,5 հազար չվերթ։
Ձնաբքի հարվածի տակ են հայտնվել Նյու Յորքը, Բոստոնը եւ Չիկագոն։ Ըստ օդերեւութաբանների՝ ձյան մակարդակը կգերազանցի 30 սմ-ը, իսկ որոշ շրջաններում կհասնի մինչեւ 50 սմ-ի։ Ձյան առատ տեղումները կուղեկցվեն մինչեւ 65 կմ/ժ քամու հոսանքներով եւ օդի ջերմաստիճանի զգալի նվազմամբ, հայտնում է rbc-ն՝ վկայակոչելով Associated Press-ին։
Տեղի բնակիչները շտապել են առաջին անհրաժեշտության պարագաներ ձեռք բերել՝ խմելու ջուր, լապտերներ, մոմեր եւ մարտկոցներ։
Բոստոնի քաղաքապետ Թոմաս Մենինոն կարգադրել է փակել բոլոր դպրոցները, գլխավոր փողոցներում արգելված է ավտոտրանսպորտի կայանումը, իսկ բնակիչներին հրահանգվել է չլքել տներն առանց ծայրահեղ անհրաժեշտության։
Նյու Յորքի քաղաքապետ Մայքլ Բլումբերգը գործատուներին խորհուրդ է տվել աշխատավայր չկանչել իրենց պարտականությունները հեռակա կարգով կատարելու ունակ աշխատողներին։
