Գերմանացի 75-ամյա  գեղանկարիչ Գեորգ Բազելիցի հարցազրույցն իսկական  սկանդալ է առաջացրել, գրում է «Der Spiegel»: Նրա խոսքով` կանայք նկարել չգիտեն, չնայած հենց նրանք են գեղանկարչական ուսումնական հաստատությունների հիմնական ուսանողները: «Ո՞րն է կին նկարիչների հիմնական խնդիրը: Նրանցից ոչ մեկը, ըստ էության,  նկարել չգիտի»: Նրա կարծիքով` հենց այդ ունակությունն է պակասում կանանց` տղամարդ գործընկերների մակարդակին հասնելու համար:

Բազելիցը խոստովանել է, որ կան բացառություններ, սակայն, միեւնույն է, ոչ մի կին նկարիչ չի հասել Պիկասոյի կամ Գոգենի մակարդակին:

Այս հայտարարությունը մամուլում բուռն քննարկումների տեղիք է տվել: Ընդահանուր դժգոհությունն արտահայտել է արտ-դիլեր Այվան Լինդսեյը. «Բազելիցը զարմանալի եւ սադրիչ բաներ է ասել,  եւ մենք պետք է արձագանքեինք դրան: Ճիշտ է, հիմա նա այն տարքիում է, որ մեր կարծիքը նրան չի հուզում», հաղորդում է  «Artguide.ru»-ն: