նախընտրելի դարձնելԹաիլանդի հյուսիս-արեւմուտքում գտնվող Մահասարախամե քաղաքում բուդդիստական փառատոնի ժամանակ նետված նռնակի պայթյունի հետեւանքով նվազագույնը չորս մարդ զոհվել, 50-ը վիրավորվել են
Ըստ տեղի ոստիկանների` անվտանգության ծառայության աշխատակիցները տեղի կրոնական խմբի համերգին մասնակցելու եկած հանդիսատեսների մեջ նռնակը ձեռքին տղամարդու էին նկատել: Նկատելով, որ իրեն շրջապատում են, տղամարդը նետել է նռնակը, ինչից հետո այն պայթել է: Զոհվել է չորս մարդ, այդ թվում՝ չարագործը, հայտնում է «Ինտերֆաքսը»:
Այնինչ ԻՏԱՌ-ՏԱՍՍ-ը հայտնում է, որ հանցագործը ողջ է մնացել, սակայն ծանր վնասվածքներով գտնվում է վերակենդանացման բաժանմունքում:
Ներկայումս Թաիլանդի ոստիկանությունը պարզում է հանցագործի գործողությունների դրդապատճառները:
