նախընտրելի դարձնելYouTube տեսահոսթինգը սկսել է փորձարկել մի գործառույթ, որը թույլ է տալիս օգտատերին ընտրել հոլովակից առաջ «երկար» գովազդը կամ տեսանյութը նայելու ընթացքում «գովազդային դադարը», հաղորդում է The Next Web-ը:
Որոշ դեպքերում կարելի է նշել նաեւ, թե առաջարկված գովազդային հոլովակներից որը դիտել տեսանյութից անմիջապես առաջ: Առաջարկված «երկար» գովազդի տեւողությունը տատանվում է 30 վայրկյանից մինչեւ երկու րոպե:
Եթե օգտատերն ընտրում է գովազդային դադարը կամ սահմանված ժամկետում ոչինչ չի ընտրում, դիտելու ընթացքում նրան ցույց է տրվում մի քանի գովազդային հոլովակ: Դրանց քանակությունը կախված է տեսանյութի տեւողությունից: YouTube-ի ներկայացուցիչները չեն ճշտել, թե այս նոր մեխանիզմը վերջնականապես երբ կգործի, գրում է «Լենտա.ռու»-ն:
