նախընտրելի դարձնելԲրիտանացի հայտնի ճանապարհորդ, սըր Ռանուլֆ Ֆայնսը, ով Անտարկտիկայով անցնում էր դահուկների միջոցով, ստիպված է եղել դադարեցնել արշավը սառցակալման պատճառով:
68-ամյա Ֆայնսը վնասվածք էր ստացել` դահուկներից ընկնելուց հետո: Ճանապարհորդը մերկ ձեռքերով, մինուս 30 աստիճանին փորձել է սարքել դահուկները եւ սառցակալում ստացել: Այժմ նա սպասում է Հարավային Աֆրիկա տեղափոխվելուն, BBC-ի փոխանցմամբ, դրան խանգարում են եղանակային պայմանները:
Սա Ֆայնսի առաջին սառցակալումը չէ, 2000թ. նա կարոցրել էր ձախ ձեռքի մատները Հյուսիսային բեւեռ արշավի ընթացքում:
Սըր Ռանուլֆը առաջին մարդն է, ով միաժամանակ ոտքով հասել է թե Հյուսիսային, թե Հարավային բեւեռ: Նա ամենածեր բրիտանացին է, ով երբեւէ բարձրացել է Էվերեստի վրա: 1984թ. Գինեսի գիրքը նրան անվանել էր ներկայումս ապրող «մեծագույն ճանապարհորդը»:
