նախընտրելի դարձնելԼիդիական Կրեսոս արքայի գանձերի թվին պատկանող կրծքազարդը, որի արժեքը միլիոնավոր դոլարներ է գնահատավում, փոխանցվել է Թուրքիայի զբոսաշրջության եւ մշակութի նախարար Օմեր Չելիկին:
Կրծքազարդը, որն ավելի քան 2,5 հազ. տարեկան է, գողացվել էր թուրքական Ուշակ քաղաքի թանգարանից 2006 թ-ին: Այն փոխարինվել էր կեղծ տարբերակով եւ դուրս էր հանվել երկրից: Թանկարժեք զարդը հայտնաբերվել էր այս տարի` գերմանական Հագեն քաղաքում, հաղորդում է «ՌԻԱ Նովոստին»:
Կրծքազարդը հայտնի «Լիդիական գանձերի» մեջ է մտնում, որոնց վրա, համաձայն լեգենդի, հնագույն նզովք կա: Անցած դարի 60- ականներին գանձերի պեղումների յոթ մասնակիցները զոհվել էին, ինչն էլ նման ենթադրությունների տեղիք էր տվել:
