ՆախընտրելիԻրանում ձերբակալվել է սուննիական «Ջունդալլա» խմբավորման առաջնորդ Աբդուլմալիք Ռիգին:
Իրանի իշխանությունները խմբավորմանը կասկածում են «Ալ-Քաիդա» ահաբեկչական կազմակերպության հետ կապերի մեջ:
Իրանի ղեկավարությունը նաեւ մեղադրել է Պակիստանին, ԱՄՆ-ին եւ Մեծ Բրիտանիային «Ջունդալլա»-ին աջակցելու մեջ՝ իրանական կառավարությանը թուլացնելու նպատակով:
Իրանական հատուկ ծառայությունների ղեկավար Հեյդար Մոսլեհիի խոսքով, Ռիգին հանդիպել է Աֆղանստանում ՆԱՏՕ-ի ուժերի ներկայացուցիչների հետ:
Ինչպես հաղորդել է իրանական PressTV-ին, այդ հանդիպումը կայացել է 2008թ. ապրիլին: Իրանական հատուկ ծառայությունները պնդում են, որ նա վերջին շրջանում ճանապարհորդել է մասնավորապես Արեւմտյան Եվրոպայի երկրներում: Ընդ որում, նա ունեցել է Աֆղանստանի անձնագիր, 24 ժամ մնացել է ամերիկյան ռազմաբազաներից մեկում:
