նախընտրելի դարձնելԵրբ Եվրախմբի ճնշման տակ Նիկոսիան սկսեց երկու խոշորագույն բանկերի վերակազմավորումը եւ նրանցում ներդրված գումարների մի մասի փրկության գործընթացը, մարտ ին Կիպրոսի բանկերում դեպոզիտների թիվը նվազեց 3,7 միլիարդ եվրոյով, իսկ 2012թ.-ի մարտ ամվա հետ համեմատած`7 միլիարդ եվրոյով, հայտնել է երկրի Կենտրոնական բանկը:
2012թ.-ի մարտին Կիպրոսի բանկերում 70,7 միլիարդ եվրո դեպոզիտ կար, 2013թ.-ի մարտին` 63,7 միլիարդ եվրո կամ 9,9%-ով պակաս: 2013թ.-ի փետրվարի համեմատ` դեպոզիտները նվազել են 3,7 միլիարդ եվրոյով կամ 5,56%-ով: Կենտրոնական բանկը բացատրում է դա երրորդ երկրների ներդրումների արտահոսքով, որոնք կիպրոսյան բանկերից 1,9 միլիարդ եվրո են հանել: Իրենց ավանդներն են հանել նաեւ երկրի բնակիչները (1,3 միլիարդ եվրո):
Բանկը նշում է, որ դեպոզիտները երեք ամիս շարունակ կրճատվում են, փետրվարին դրանք նվազել են 0,9 միլիարդ եվրոյով, իսկ հունվարին` 1,7 միլիարդով, հայտնում է «Վեդոմոստի»-ն:
