Մայիսի 2-ին, ժամը 05.50-ին, «Զվարթնոց» օդանավակայանի գծային բաժնի  ծառայողների  ձեռնարկած միջոցառումների շնորհիվ՝ Մոսկվա-Երեւան չվերթի օդանավի ժամանումից հետո «Զվարթնոց» օդանավակայանի գծային բաժին բերման է ենթարկվել 22-ամյա Էդգար Ք.-ն:

Ոստիկանության լրատվության վարչությունից հայտնում են, թե նա մարտի 11-ից ոստիկանության Մաշտոցի բաժնի կողմից հետախուզվում էր ՀՀ քրեական օրենսգրքի 141 հոդվածի մեղադրանքով, այն է` սեքսուալ բնույթի գործողություններ կատարելը տասնվեց տարին չլրացած անձի հետ: