նախընտրելի դարձնելՌուսական «Օբորոնսերվիս» ընկերության տնօրենների խորհուրդը պաշտոնանկ է արել ընկերության գլխավոր տնօրեն Սերգեյ Խուրսեւիչին, հայտնում են Ռուսաստանի ՊՆ-ից:
Նման որոշում է կայացվել այսօր՝ մայիսի 14-ին, գլխավոր դատախազի քննադատությունից հետո: Ընկերության գլխավոր տնօրենի ժամանակավոր պաշտոնակատար է նշանակվել Խուրսեւիչի տեղակալ Սերգեյ Շտիկուլինը:
Հիշեցնենք, որ «Օբորոնսերվիսի» գործով սկանդալի կենտրոնում է հայտնվել պաշտպանության նախարարության Գույքային հարաբերությունների վարչության նախկին ղեկավար Եվգենիա Վասիլեւան` «երիտասարդ, տաղանադավոր եւ անկասկած շատ գեղեցիկ աշխատակցուհին», ինչպես նրան բնորոշում են լրատվամիջոցները: Գործն առավել հրապուրիչ է դառնում այն առումով, որ առավոտյան, երբ քննչական խումբը ժամանել է Վասիլեւայի բնակարան` խուզարկություն կատարելու նպատակով, նրանց առջեւ դուռը բացել է ինքը` Սերդյուկովը, ով տարիներ շարունակ կարողացել է իր գլխավորած վարչությունը հեռու պահել նախարարության գույքի վաճառքի հետ կապված սկանդալներից: Աշխատակցուհու տան խուզարկության ժամանակ այնտեղ թանկարժեք զարդեր եւ 3 մլն դոլար գումար է հայտնաբերվել:
