նախընտրելի դարձնելԲնապահապանության նախարար Արամ Հարությունյանի հրամանով ստեղծվել է աշխատանքային խումբ՝ Մարց գետի վրա կառուցված փոքր հիդրոէլեկտրակայանների՝ շրջակա միջավայրի վրա ազդեցության վերաբերյալ լրատվամիջոցներում տեղ գտած տեղեկատվությունն ուսումնասիրելու նպատակով:
Նախարարության մամուլի ծառայությունից հայտնում են, որ Արամ Հարությունյանն աշխատանքային խմբին հանձնարարել է 10-օրյա ժամկետում ուսումնասիրել Մարց գետի վրա կառուցված փոքր ՀԷԿ-երի գործունեության համապատասխանությունը տրված փաստաթղթերի պահանջներին:
Աշխատանքային խմբում ընդգրկված են ՀՀ բնապահպանության նախարարության աշխատակազմի ջրային ռեսուրսների կառավարման գործակալության ջրօգտագործման թույլտվությունների բաժնի պետ Գրիշա Մուրադյանը (խմբի ղեկավար), ՀՀ բնապահպանության նախարարության աշխատակազմի ջրային ռեսուրսների կառավարման գործակալության Հյուսիսային ջրավազանային տարածքային կառավարման բաժնի պետ Լեւոն Միքայելյանը, ՀՀ բնապահպանության նախարարության աշխատակազմի իրավաբանական վարչության դատաիրավական բաժնի պետ-վարչության պետի տեղակալ Լեւոն Գեւորգյանը, ՀՀ բնապահպանության նախարարության աշխատակազմի ընդերքի եւ հողերի պահպանության քաղաքականության վարչության ընդերքի պահպանության քաղաքականության բաժնի պետ Արարատ Աղաբեկյանը, ՀՀ բնապահպանության նախարարության աշխատակազմի բնապահպանական պետական տեսչության կենսաբազմազանության հողերի, թափոնների եւ վտանգավոր նյութերի վերահսկողության բաժնի ավագ պետական տեսուչ Տիգրան Հակոբյանը, ՀՀ բնապահպանության նախարարության աշխատակազմի բնապահպանական պետական տեսչության ջրերի վերահսկողության բաժնի ավագ պետական տեսուչ Խաչիկ Սմբատյանը, «Բնապահպանական փորձաքննություն» ՊՈԱԿ-ի տնօրենի տեղակալ Հենրիկ Գրիգորյանը:
